Ar y bws

Er mwyn eich helpu i gynllunio eich taith o amgylch Sir Conwy, dyma rai dolenni a gwybodaeth ddefnyddiol:

• Canllaw Cludiant Cyhoeddus Conwy 2019 (PDF)
• Rhybuddion traffig traveline
• Teithio ymlaen o Orsaf Cyffordd Llandudno (PDF)
• Teithio ymlaen o Orsaf Reilffordd Llandudno (PDF)

Sherpa’r Wyddfa

Mae Sherpa’r Wyddfa yn wasanaeth bws sy’n teithio o amgylch troed yr Wyddfa, gan gysylltu’r chwe prif lwybr i fyny’r Wyddfa, yn ogystal â phentrefi, mannau twristaidd a phrif feysydd parcio.

Mae’n darparu gwasanaeth gwych i gerddwyr a dringwyr, yn ogystal ag ymwelwyr i’r ardal sy’n dymuno dechrau eu taith a gweld ble fydd yn mynd â nhw.

Gwasanaethau Sherpa

• Amserlen Sherpa’r Wyddfa (o 14/4/2019) PDF

Parcio a theithio

Osgowch y maes parcio prysur a llawn ym Mhen y Pass gyda Gwasanaeth Parcio a Theithio Sherpa’r Wyddfa o feysydd parcio Nant Peris a Phenygwryd. Mae fel arfer yn mynd bob dydd Sadwrn o Sadwrn y Pasg hyd at ddydd Sadwrn
olaf mis Hydref. Ar adegau prysur, mae gwasanaethau ychwanegol yn rhedeg o Lanberis.

Prynu tocyn Sherpa

Gallwch brynu eich tocyn ar y bws. Pris tocyn un siwrnai ydi £2.00 neu gallwch brynu tocyn diwrnod am £5.00 sydd yn eich galluogi i fynd fel y mynnoch am ddiwrnod cyfan i gynifer o fannau ag y dymunwch ar hyd llwybr y Sherpa.

Cwynion

Os ydych chi’n anfodlon ar y ffordd y mae cwmni bysus wedi ymdrin â’ch cwyn, neu os credwch nad yw’r cwmni wedi’ch trin yn deg, cysylltwch â Defnyddwyr Bysiau Cymru. Gallwch gael help gydag unrhyw broblem, gan gynnwys gyrrwr blin neu fws yn dod yn gynnar neu’n hwyr.